في دمعة بتعيّد ع دمعة
في أيام العيد...
يعني الحزن كيف يهنّي
بالفطر السعيد
يعني الفرحة أنا متمني
لكن في شي بعيد
في صرخة عم تبني قلعة
بدمات الشهيد
من زفرة ميات النبعة
طلعت بالتنهيد
من طلقة آيات الروعة
كتبتها الزنود
من غزة صليات العزة
من “سديروت” لأسدود
و أنظمة و بحجم العنزة
خايفة من التنديد
و مشيخة أفتت للغازي
و انسخطت متل قرود !
في قبضة بتعيد ع موجة
في بحر الصمود
بتصحح الحالة المعوجة
بميدان التوحيد
في كلمة طلعت من صلية
و ع السطح الزغاريد
لما تنزل دفعة جديدة
من صواريخ الأسود
تحكي من الأقصى انقلعو
و من باب العامود
برا برا روحو انجمعو
و احنا رح منعود
لكل شبر بفلسطينا
و جراحنا الشهود
من نهرك لبحرك إنتي
وصلنا العهود
من جبينك حتى الأعالي
بغزتنا الأسود
يلي بإيدك بست الروعة
مع نار الردود
مش رح أقدر أشوف غيرك
يا قدسي المجيد
خذني ع الأقصى يا ضلعي
و لصلاة العيدْ
* شاعر فلسطيني